بسم الله الرحمن الرحيم
اللهم صلي على محمد وآل محمد
السلام عليكم ورحمه الله وبركاته
هذه وحده من كتاباتي ...اتمنى انها تنال اعجابكم
الاسم:زيد
العمر:27سنه
المهنة:دكتور (التخصص)جراح
الاهتمامات:كره القدم - ركوب الخيل – القراءة
الموصفات:-
البشرة:اسمر(سمراته حلوه
الملامح:عربيه اصيله
العيون:بنيه تميل للسواد ’ واسعة
الخشم:طويل
الشعر:اسود ناعم
الجسم :طويل عريض ’ يعني جسم رياضي
-معلومات عن الشخيصه:
حنون
طيب
حبوب
يحب يساعد الناس
رومانسي
عصبي
غيور&
بعض الاحيان يكون متسرع ومتهور
الاسم:ليال
العمر:18سنه&
المهنة: طالبه ثانويه عامه
الاهتمامات: القراءة – الكتابة – الضحك والسوالف والفرفشه الموصفات:
البشره:بيضه&
الملامح:عربيه فارسيه
العيون:بنيه وتتميز برسمتها الحلوة
الخشم:طويل
الشعر:بني غامق ’ ناعم وفيه تدرجات خفيفه
الجسم:مب ضعيفه بس رشيقه..
معلومات عن الشخصيه:
قلبها ابيض
حبوبه وفن..وراعيه سوالف وضحك
حساسه
دلوعه اشوي
عصببببببببببببببببببببببببيه
غيورة
مغروره نوعا ما
بعض الاحيان تكون قاسيه
يا زيد..بس كافي..
لا بالبكاء ولا بالعتاب بترجعني..لك..
حتى لو القلب للحين يهواك..
والعين تهوى لقياك..
والسمع محتاج يسمع..أحلى أصوات هالكون..
واللسان دوم يغلط وينطق باسمك من غير أحساس..
أنا ما بكذب عليك وبقولك..أنا الحين ما احبك..
بكون كاذب واكبر كاذب ..لأني أنا وأنت والدنيا
كلها تعرف بلي بقلبي لك..
أنا عارف وش بتقولي الحين..ليش دامج تحبيني..
تخليني؟؟وتقولين أنساني..وانسى كل الحب الي بيني وبينك
أجاوبك يا ناظر عيون ليال..وقلبها وعمرها..
لأنك يا غناتي..حبك..مزروع بقلب..أحبه..
ومقدر أخونه حتى لو أنا..مدري انك أنت ذاك..ألي تحبه..
بتقول طيب وش ذنبي أنا.؟؟
بقولك كنت عارف...وأخفيت عني..كل..هذا..
لو صارحتني من البداية ..كنت أنهيت العلاقة..
من غير لا تعب ولا الم وفراق وحسرة..
علقتني فيك..وعلقت روحك فيني..
تركتني..أغوص في بحور حبك..وتركتك..
تهواني..وتغرق..بصمت أحزاني..
كنت عارف أني مستحيل أرضى..وأسامح..
ليه عيشت نفسك ونفسي بوهم..
بيجرحنا..جرح مايداويه..لا زمانك ولا زماني
بس يا زيد لا تعذبني..بصوتك..
ترى والله واحشني..موت..وحتى
بعتابك..صرت أنا أهوى سماعه..
لا تخليني..اضعف..وانادي..
يا زيد..أرئف بحالي...
وارحل عني..قبل..ما تحطم الي باقي من حياتي..
ودي..بس تعرف..شي واحد..
أني..لو تركتك..ببقى احبك..
وعلى ذكراك..أنا عايش..
حتى لو أنت..تناسيت وجودي..بحياتك..
بس انا احبك..ياغالي..
بس مالي على الاقدار حيله..
وهذه مقدر ومكتوب علينا..
نعشق ونفارق بعضنا..
يا زيد اسمعني فديتك..
حط بالك على عمرك..ياغالي..تراك غالي موت عندي..
وكل ماتشوف..شي من ذكراي تذكرني..
وقول هذه الي ضحت بحبها..وقلبها..
لاجل..ماتحطم فؤاد..قلب ..هواني..
وأنا مالي على الأقدار حيله..
كانت بذيج الفتره ترقد بالمستشفى بالعانيه المركزه بعد الحادث القوي الي سوته والحاله الهستيريه الي دخلت فيها بسبب الي صار كانت ايام صعبه لثلاثه زيد وليال وسمر ...ليال منهاره بعد ماطلعت من الغيبوبه...وحالتها مايعلم فيها الا رب العالمين..طول الوقت تصيح وتردد كلام محد يفهمه..وتزيد حالتها يوم تشوف زيد تزيد بحالتها..بس هو بطريقته يهديها...ويوم يحاول يفاتحها بالموضوع تصرخ وتنهار اما زيد فهو حالتها صعبه اكثر من ليال لانه مب عارف شسوي ع الاقل ليال تصيح تصرخ تنهار لكن هو صامد ويحاول يمثل القوه وانه مب منهار...بس هو بالحقيقه مو منهار متحطم مذبوح..مجرد التفكير بس التفكير ان ليال مابتصير له..يجن..ويظل طول الليل يفكر..ويفكر يتصل ليال..ويظل يسولف وياها ويشوفها اشلون تعبانه ومنهاره بالاول تصده وتقول له ان هي ماتبيه وان هي تكره بس يظل يكلمها بهدوء وبطريقته السحريه يقدر يهديها ويظل يكلمها لين ماتنام..وبعدها يسكر التلفون وهو يحس براحه لكن راحه مو دايمه لانه من يسكر يرجع يفكر ويحس بعذاب
اما سمر ضايعه مب عارفه شلي قاعد يصير جدامها..رفيحتها وتوأم روحها نايمه بالمستشفى وعندها انهيار عصبي ..وحالتها كل مايجي لها وتزيد..
وزيد هذا السر الي مب قادره تفهمه..حالته حاله وتعبان تحت عيونه سواد
وجه مصفر يوم تروح ليال ساعات تشوفه عندها..صحيح ان هو طبيب وجراح
بس ماله أي علاقه بتعب ليال...هي الثانيه بعد وصلت لمرحه الجنون تبي تعرف شنو سبب اهتمام زيد بليال معقوله عشان هو الي نقلها من مكان الحادث للمستشفى وكل هذا شفقه؟او شنو؟؟
كانت ليال مغمضه عيونها وتفكر بزيد والا يرن موبايلها: الووو
زيد بتعب:السلام عليكم
ليال بصوتها المحبوح:وعليكم السلام
زيد:شحالج الغاليه
ليال تاخذ نفس عميق:بخير وانت
زيد:بخير دامج بخير
ليال :للحين تعبان؟
زيد بصوت حزين:تعب الجسم يهون بس تعب البال والتفكير بيذبحني
ليال:خلاص يا زيد انا قلت لك حل يرضي الطرفين...انا ببتعد وانت..انساني
ولا يكون بينا أي اخبار عشانك تنساني وانساك
زيد ببعصبيه:انساج تقولينها بسهوله يا ليال انسى حبي انسى قلبي انسى روحي انسي حياتي انسى عمري انسى مشاعري احسايسي انسى احلى ايامي انسى شنو ولا شنو هاااه جاوبيني..
ليال من وراء قلبها:انت الي تسببت بكل هذا كنت عارف من البدايه وخبيت عني..خليتني في موقف يا زيد صعب..احبك أي اموت فيك أي ماقدر اعيش حياتي من غيرك أي لكن اني اخون اختي ورفيجتي وتوأم روحي لا والف لا يا زيد مو انا لو على حساب قلبي وحياتي ومستقبلي
زيد:بس انا ماحبها انا احبج انتي
ليال بعصبيه:بس هي تحبك وهاي ذنبك وكنت عارف ومن جذي قلت لي مابي حد يعرف عني غير عمي الي خطبتني منه..عشان ما اقول لسمر وتعرفك ان انت الانسان الي تحبه وبعدين اتركك صح انت انسان اناني اكرهك يا زيد اكرهك
زيد بضيق:مشكوره يالغاليه بس انا الحين بسكر عشانج تعبانه اشوي وبكلمج الصبح
ليال بصراخ:لا تتصل لي مابيك اتركني بحالي تعرف يعني شنوو مابيك ماتفهم
زيد:مشكوره الغاليه بخليج الحين شكلج معصبه بس بتصل لج وقت ثاني تصبحين ع خير واحلام سعيده واشوفج ع خير اذا الله احياني
ليال ماقدرت وظلت تصيح:ان شاء الله..مع السلامه
زيد:لا تصيحين وحطي بالج ع عمررج تراج غاليه يله مع السلامه
ليال:الله يسلمك وسكرت
سكر زيد التلفون وهو متضايق مايعرف لمتى بيظل الوضع جذي ...ليال مب راضيه تهدى كل مايجي لها تنهار اكثر...صحيح انها تكلمه..بس من يطري لها الموضوع تعصب وتقول له كلام يجرح يذبح بس هو عاذرها ويعرف ان مو من قلبها هالكلام...بس لمتى...قبل الي صار بيومين..كان المفروض يتقدمون رسمي...يعني الرجال ويحددون موعد العرس والمهر وهالاشياء بس الي ماكان متوقعه صار...واخترب كل شي...
دخلت عليه امه:السلام عليكم
زيد عدل جلسته:وعليكم السلام هلا يمه تفضلي
ام زيد:هلا حبيبي شخبارك اليوم؟؟
زيد وهو ياخذ نفس:تعبان يا يمه
ام زيد وقلبها معورها ع ولدها حشاشه جوفها:للحين على حالكم؟؟
زيد وهو خلاص مو قادره يمثل القوه:يا يمه انا مالي ذنب اذا ربيعتها تحبني انا شنو يخصني يا يمه...انا كنت اكلمها عادي مثل اختي..بس هي فهمتني غلط...يا يمه انا من شفت ليال وانا حالي ماهو بحال...والحين يوم خلاص اتفقنا ع كل شي وكنا بنروح نحدد موعد العرس..اخترب كل شي يا يمه انا طول هالمده حاط يدي على قلبي لا تعرف ليال ان سمر تحبني وبعدين ترفضني عشان رفيجتها تحبني والحين بعد ماخلاص صارت ليال كل شي بحياتي بتروح مني والسبب سمر يا يمه ..ليال ماتبيني رافضتني نهائيا تقول ماتبي تخون رفيجتها انزين انا قلت لها انتي ماخنتيها انتي اصلا ماتعرفين ان انا الشخص الي تحبه..يمه علميني شسوي تعبت خلاص ماقدر اتحمل
ام زيد وهي تصيح ع حال ولدها :بس خلاص يا وليدي انا بحاول احل الموضوع بس انت هدي عمرك الحين..ومايصير الا الخير..
زيد وهو مب قادره يفتح عيونه من التعب صار له جم يوم مب نايم شي :ان شاء الله مع اني عارف اني مابنام وليال بهالحال..شفتيها يمه وايد تعبانه ؟؟موو ويها مصفر وتحت عيونها سواد..
ام زيد وهي تحاول تخفف على ولدها:حبيبي لا تفكر وايد وصدقني ليال تحبك ولو ماتحبك ماصار حالها هذا..بس تعرف الموقف الي هي فيه وايد صعب لو مصارحها من البدايه مو احسن..بس يلا حصل خير..انت الحين نام
لين قعدت بتسمع اخبار تسرك يلا تصبح ع خير
زيد :وانتي من اهله
ليال وهي بالمستشفى تحس بالخنقه والضيق اهلها كانوا عندها والحين الكل راح سمر تتصل لها وهي تتهرب مره نايمه مره ماترد مره تعبانه ومافيها صوت تتكلم..رجعت راسها ع المخده بتعب وغمضت عيونها تتذكر زيد وايامهم الحلوه لين يتزاعلون لين يتراضون..لين تتذكر امها وابوها وتصيح اشلون يواسيها ويقول لها "انا امج وانا ابوج وانا حبيبج وانا زوجج ان شاء الله عن ماقريب " غمضت عيونها بقوه ونزلت من عيونها دمعه حاره حرقت خدودها المتوردين...حست بالضعف وماقدرت الا تتصل لحبيب قلبها روحها زيد...
ليال بصوتها المبحوح:الوو السلام عليكم..
كنت توني مغمض عيوني..ورحت لعالمها..تذكرت ضحكتها الي انحرمت منها من ذاك اليوم الاغبر الي من بعده قامت تتحذف علينا البلاوي...تذكرها لين تقول نكتتها الي دوم تقولها"في محشش واحول يسون لقيمات عاد الاحول يحط القيمات برا المقله والمحشش يقول تششش" لا شعوريا ابتسم زيد والا يسمع تلونه يرن ويقول في باله لحظه لحظه هاي رنه ليال معقوله ليال متصله لا مستحيل وبعدين ضرب روحه ع راسه ع غبائه ان الحين بتسكر وهو للحين يفكر:الووووووووو
ليال السلام عليكم ورحمه الله وبركاته
زيد:وعليكم السلام ورحمه الله وبركاته
ليال وهي مشتاقه له وبهالوقت نست الدنيا كلها نست سمر نست كل شي الا شخص واحد وهو زيد:وحشتني زيييييييييد ماقدر اعيش حياتي من غيرك وقعدت تصيح
زيد وهو مو مستوعب شي اول شي ضحك ضحك هستيري وبعدين لا طاحو دموعه :اذا انتي ماتقدرين تعيشين حياتج من غيري انا ماقدر اعيش حياتي لمجرد انج تقولين مابيك
ليال وهي تصيح اكثر:زيييييييييد احبك اموت فيك لا تخلي ارجوك
زيد وهو يحس الفرحه تسري بجسمه :انا ماحبج ولا اموت فيج انا
ليال بخوف:انت شنو................؟؟؟
زيد وهو مب عارف يعبر عن شعوره:مادري شي جذي ماينوصف ماقدر اعبر عنه بس الي صج اتمناه انج تقدرين تدخلين داخلي وتعرفين اشلون احبج ..والله والله يا ليال ماني بعارف كيف اوصف لج سعادتي احساسي الحين
ليال وهي تضحك بتعب:ههههه تدري اني موت احبك وان مالي غير حبك والي ينبض في ضلوعي هذا ماهو قلبي هذا قلبك..
زيد وهو يرد عليها:بحبك وحشتيني بحبك وانتي نور عيني ده وانتي مطلعه عيني بحبـــــــــــــــــــــــــــــــــــــــــــــــ ــــــــــــــــــــــــك موووووووت "ضحك بقوه" راااااااااح نفسيييييييي وانا اقولها
ليال:ههههههههههه
زيد:فديت هالضحكه وصاحبتها
ليال:تعرف زيد شنو خاطري فيه اروح ع البحر واكل مشويات نفس ذيك المره يوم اروح مع خالي محمد وانت لاول مره جيت وكانت اهي اول مره اشوفك فيها
زيد وهو مايفكر بعقله:اتذكر...انزين...لحظه...
ليال وهي مستغربه:وين
زيد وهو ياخذ مفتاح السياره:وياج
ليال وهي تلعب بشعرها:امممم اشفيك ساكت
زيد وهو يسكر باب السياره:اهني وياج واذا مو وياج اكون ويه منو؟؟انا روحي وقلبي وحياتي وكلي ع بعضي لج
ليال:احبك
زيد وهو وقف السياره بنص الطريج وعطل الناس الي وراه وطلع راسه من الدريشه وصرخ بصووووووت عااااااااااااااليييييي:احببببببببببببببببببببببببب ببببببببببببببببببببببببببببببج اموووووووووووووووووووووووت فييييييييييييييييييج وربي اعشقج عشق ماينوصف..واهواج كبر السماء والارض والكون كلــــــــــه
ليال وهي تضحك ع خباله:انت اشفيك تصرخ
الناس من حوالين زيد تطالعه بنظرات ناس تطالعه بنظرات استغراب وناس بنظرات فرح ان للحين في هالدنيا ناس تحب بهالشكل وناس قامت تطق له هرن عشان يمشي عطلهم استوعب الوضع واشر لهم بانه السموحه ودخل داخل السياره وبداء يمشي:هههههههههههههه
ليال:ههههههههه مينووووووووووووووون
زيد وهو يتكلم جد:والله مينون فيج..
بهالوقت زيد راح المطعم الي تحب ليال تاكل منه مثل ماعرف من خالها..واشترى مشويات وكل هذا وليال ولا تعرف اشصاير مع ان كان يكلمها طول الوقت ويحس ان الي يصير له حلم...وبعدها دخل المستشفى والكل مستغرب منه..هو كان الظهر طالع من عندهم وحالته ماتسر لا حبيب ولا عدو والحين راجع لهم مستطرب وطول الوقت يضحك والشي الي الكل كان واقف يطالعه ان الدكتور زيد الي يهتم بشكله وبمظره جدام الناس كان جاي بدشاشه البيت..
زيد وهو يضحك:مساء الخيرات
الكل:مساء النور
ع طول راح زيد لغرفه ليال:السلام عليكم
ليال وهي مصدومه :زيييييييييد
زيد وهو منزل راسه عشان ليال ماكنت لابسه شيله:أي زيد يا عيون زيد..
ليال وهي تلبس شيلتها:حياك تفضل بس اشلون مو انت تكلمني وقلت لي انك رايح تشتري لك عشاء والحين انت اهني
زيد وهو يطالعها بشوق بس مو أي شوق اشواق العاشقين الولهانين:مو انتي قلتي لي خاطرج تروحين ع البحر وتاكلين مشويات...مابقدر اخذج للبحر..لكن اقدر اسوي لج جوو نفسه...
ليال وهي مستغربه:اشفيك انت يالمينون شنو بتسوي؟
زيد راح رجع وجاب معاه كرسي متحرك لانه ليال للحين متعوره من الحادث وخصوصا ان صحتها متدهوره فما كانت عندها الطاقه او القدره انها تمشي..
جات معاه الممرضه عشان تساعد ليال انها تقعد ع الكرسي وليال تضحك ع خبال زيد والممرضه تبتسم بفرح وهي بداخلها فضول اشفيهم هالاثنين هاي المريضه من يوم جات وهي منهاره وتصيح والدكتور كان بهذه الفتره تعبان وماله خلق شي وكان يهتم بهالمريضه والحين جاي ومعاه عشى ولا شكله بعد لذيذ ولا والحين ياي الدكتور زيد بدشاشه..ويقول لي اساعد المريضه ع انها تقعد ع الكرسي واروح معاهم صج ناس مب عاقلين اشك فيهم انا...
ليال وهي تطالع زيد وبعيونها الف سؤال....
زيد يضحك:لا تطالعيني جذي..ترى ماقدر اتحمل بريق عيونج..
ليال وهي تبتسم بخجل :زيد
زيد وهو يضحك:اوووه سستر سعاد نسيت اعرفج ليال خطيبتي..وزواجنا عما قريب ان شاء الله
سستر سعاد:مبروووووووووووك ومن متى؟؟
زيد:والله من زمان بس خبرج ظروف الحادث وجي
ليال كانت ساكته ومتضايقه من الموضوع الي تسمعه فحبت تغير الموضوع:الحين انت ماقلت لي وين بتوديني؟؟
زيد قام يمشي الكرسي المتحرك وسستر سعاد كانت وياهم لانه مب عدله يقعدون ويه بعض بروحهم والسستر مستانسه بتغير جو وبتفتك من حشره المرضى..خذاهم لفوق لاخر طابق بالمستشفى وليال خايفه...
كنت احس بالسعاده تغمرني لانه يمي الانسان الي احبه واشوفه يسوي المستحيل لاجل يلبي بس شي طرى على بالي..خذني ع لاخر طابق وفرش شي جي مثل السجاده وقعد ع الارض وسستز سعاد كانت وياه وانا ع الكرسي لاني للحين ماقدر متعوره من الحادث قعدنا نتعشى وطول الوقت ضحك وناسه بصراحه ارتاحت نفسيتي اشوي سستر سعاد وايد كانت انسانه حبوبه وطيوبه معاي ماعرف شسوي لها عشان اجازيها ع الي تسويه وياي...
زيد:ليال شوفي فووووووووق
ليال وهي تشوف فوق:شنو فيه؟؟
زيد:شفتي القمر؟؟
ليال:أي اشوفه اشفيه
ليال:هذا قمر تقليدي مب اصلي الاصلي جالس قبالي
ليال&سعاد&زيد:هههههههههههههههههههههههه
زيد وهو يتطمن ع ليال قبل ما يخليها ويروح...قعد ع الكرسي القابل لسريرها وقعد يكلمها بجديه..وعلى ملامح وجه التعب...
زيد:ليال ممكن اكلمج اشوي وتسمعيني
ليال وهي عارفه عن شنو بيتكلم زيد:قول
زيد:تعرفين اشكثر انا احبج وماقدر اعيش حياتي من غيرج..وبنفس الوقت انا عارف الموقف الي انتي فيه اشلون صعب بس لازم تفكرين بحكمه طول عمرج حكيمه وتفكيرج يوزن بلد...انا بعطيج فرصه تفكرين وبكره الصبح يوم اجيج ابغي ردج واتمنى انج تفكرين فيني وتفكرين في نفسج قبل حتى ماتفكرين فيني وردي علي بكره يله مابي اطول عليج اخليج تصبحين ع خير
ليال بهدوء:وانت من اهله
زيد وهو توه بيطلع الا ليال تناديه:زيد
زيد وهو يلتفت لها:عيونه امري تدللي
ليال:حط بالك ع عمرك ولا تسوق سرعه وغلاتي عندك
ابتسم زيد ابتسامه تذوب الصخر واشلون ماتذوب انسانه تموت فيه:عشانج اسوي أي شي يله فمان الله
ليال :بحفظ الله ورعايته..
....
التكمله في الجزء الثاني
بنتظار تعليقاتكم
موضوع: أصعب حروف العتب 
الجمعة أبريل 04, 2008 6:58 am